bebe

http://hrafnar-ulfar.blogspot.com/

Við erum búin að vera svo löt að blogga, sem er eiginlega synd og skömm því það er allt að gerast hjá þeim bræðrum.

Björgvin byrjaði á leikskólanum Bæjarbóli mánudaginn 17. ágúst og aðlögunin gekk súper vel. Núna að tveim vikum liðnum er eins og hann hafi verið þarna alltaf :)
Ein af kennurunum er Erla Bára sem er mamma Ægis sem var með Sigríði Ástu í bekk. Ekki að það skipti máli, en ég varð að koma því að þar sem hún þekkti mig í sjón þegar hún sá mig fyrst... spurði hvort ég væri ekki frá Ólafsfirði og þegar ég svaraði játandi þá vissi hún strax hverra manna ég væri og sagði að ættarsvipurinn (úr Miðbæjarættinni þá örugglega) leyndi sér ekki :)

En BH er dýrkaður og dáður á leikskólanum. Þær keppast við að dásama hvað hann er duglegur og klár og kátur... ég er alltaf með sólskinsbros þegar ég fer út frá þeim :)

BH er líka farinn að tala óendanlega mikið.
Hann segir reyndar mamma við alla, mig, pabba sinn, ömmu Sillu, leikskólakennarana... ég held að hann haldi að mamma þýði bara fullorðin eða eitthvað í þá áttina :)
Hann segir reyndar stundum mammi þegar hann er að tala við pabba sinn.... þetta hlýtur að fara að koma :þ

Orðin hjá honum eru snilld... hann kallar öll húsdýr mumu, sama hvort það eru hestar eða kindur. Reyndar kallar hann svín "gís" og meinar þá væntanlega grís :)
Í dag var fyrsti dagurinn sem hann sá kind og sagði meme en ekki mumu.

Dekka (drekka), nammnamm (eitthvað gott), dund (sund), gúkkúla (súkkulaði), míómjá (teiknimyndin Mio Mao), meija (meira, aftur)... þetta eru orðin sem hann er að segja ný núna.
En hann "talar" allan daginn!

BH á líka bestu vinkonu á leikskólanum. Hún heitir Anna Karítas (minnir mig, skal komast að því á mánudaginn) og er á annari deild.
Þau eru búin að vera eins og samlokur síðan BH byrjaði á leikskólanum og fóstrurnar (já, já, mjög un PC) héldu að þau hefðu eftirvill verið á sama dagheimili.... en ég hef aldrei séð þetta barn fyrr svo ekki er það málið. Þau eru eins og lítil hjón segja þær, elta hvort annað út um allt og eru almennt mjög fúl yfir að fá ekki að vera saman alltaf :)
Þau strjúka meira að segja stundum af deildinni sinni til að fara og vera hjá hinu!
Ætli tengdadóttirin sé fundin?

Við byrjuðum líka á framhaldsnámskeiði í sundi fyrir 3 vikum. Það er algjört æði og mínum finnst nú ekki leiðinlegt að fá að fara í sund 2x í viku :D
Hann er sundfífl eins og mamman :)

BH er góður við Þorgeir og þeir dafna báðir óendanlega vel. Við erum sem blóm í eggi :)

Við eigum lítinn snilling. Ég var að sýna Björgvini alls konar myndbönd fyrir börn á Youtube og þurfti að skreppa frá. Á meðan spilaði Björgvin tvö myndbönd alveg sjálfur af vefsíðunni. Þetta eru þau:

Núna, rétt þegar mánaðar sumarfrí er að byrja þá segir Katrín dagmamma okkur að Björgvin sé kominn með besta vin á dag(mömmu)heimilinu sínu Englakoti.

Sá heitir Baldur og þeir Björgvin eru mikið að hnoðast hvor í öðrum eða að stríða hinum börnunum.... :-p

Snudduskipti


Originally uploaded by Nornin

Ég tók aðra rimlahliðina úr rúminu hans Björgvins í gær og ákvað að nú væri kominn tími til að hann færi að sofna í sínu rúmi.
Hann sofnaði þar í gær, með pabba sinn hjá sér og vaknaði ekki fyrr en um kl. 5 og kom þá uppí.
Reyndar var ekki mikið sofið eftir kl. 5 því Þorgeir var að drekka og Björgvin því bara vel vakandi og hress :-)
Morgunhaninn minn!

Hann og Unnar fóru því á fætur um 6 leytið en ég og Þorgeir kúrðum áfram til 9.

Ljós þessir synir okkar :-)

Jæja, fyrsta vikan sem stóri bróðir var alveg ágæt.
Björgvin sýnir ekki mikil merki þess að vera afbrýðisamur, en hann er dálítið lítill í sér á dagheimilinu og þarf að láta "kela" sig aðeins meira en venjulega.
Að öðru leyti hefur hann lítinn áhuga á litla bróður en veit þó að við erum að tala um Þorgeir þegar við segjum "brói" við hann.

Annars er hreyfi- og félagsþroski í fullri þróun þessa dagana og orðið pabbi heyrist æ oftar (annars hefur það alltaf verið mamma yfir okkur bæði). Björgvin er farinn að setja upp "þrautabrautir" fyrir sig (með að rusla öllu til í stofunni og klifra svo í dótinu) og er orðinn ansi fær í að henda og sparka boltum.

Unnar tók sig til og keypti sand í sandkassann okkar og lagaði og málaði kofann í garðinum svo nú getur Björgvin fengið að rasa út heima hjá sér um helgar :-)
Húrra fyrir pabba!

Lesa meira "Stóri bróðir / Big brother (english version below)" »

Við Andrea höfum mikið velt því fyrir okkur hvernig Björgvin tæki á móti nýja barninu (Þorgeiri Úlfari) og höfum haft nokkrar áhyggjur af því að Björgvin gæti orðið afbrýðisamur út í barnið.
Nú eru 17 og 1/2 mánuður á milli þeirra og óvíst að það sé nógu þroskað til að verða afbrýðisamur. Eftir því sem okkur skilst þá er mesta hættan á afbrýðisemi þegar eldra systkinið er á milli 2 og 6 ára gamalt. Björgvin hefur félagsþroska á við 2ja ára (hann er byrjaður að "leika með" öðrum börnum) og hugsanlega hefði það áhrif á viðbrögð hans við nýju systkini.

Þorgeir kom heim í dag. Við Björgvin fórum saman að sækja hann, (já, það var búið að aflétta banni við komu barna á Kvennadeildina! Vei!! :-) ), Björgvin fékk að sjá Þorgeir og snerta hann en Björgvin var reyndar ekki alveg viss "hvað" þetta eiginlega væri, enda Þorgeir sofandi.
Á leiðinni heim var Björgvin afar forvitinn og langaði mikið að sjá betur hvað þetta litla sem væri að ferðast með honum væri að gera.

Þegar heim var komið fékk Björgvin nær óskipta athygli mína á meðan Andrea sinnti Þorgeiri og svo öfugt. Okkur fannst á sumum viðbrögðum að Björgvin væri já, pínu abbó út í Þorgeir. Þarna væri þetta "skrýtna litla" komið inn á heimilið mitt. Alla vegana fór Björgvin iðulega í burtu þegar við kölluðum á hann, hann draslaði til af meiri krafti en oftast áður og virstist vera almennt frekar órór. Einnig tók hann upp á ýmsum nýjungum eins og t.d. "hindrunarhlaup" (setti alls kyns hindranir upp og prílaði yfir þær. Notaði einna helst hirslubox úr sjónvarpshillunni, IKEA "tunnugorm" og óhreinatauskörfuna fyrir hindranir), setti snudduna í munnvikið (nokkuð sem ég hef aldrei séð hann gera áður), fór í skóna mína og hann sagði nokkur ný "orð" (hjóðasamsetningar).

Allan tíman var hann samt örlítið forvitinn en vildi fara jafn harðan og hann var búinn að sjá hvað litli bróðir var að gera. Við leyfum Björgvini auðvitað að sjá allt og erum meðvituð um að hann vilji kannski ekkert vera að glápa endalaust þannig að Björgvin fékk mikið frelsi í dag á heimilinu auk endalausrar athygli frá því okkar sem ekki var að sinna Þorgeiri.

Í kvöld komust við að því að þetta verður að öllum líkindum ekkert mál. Þorgeir var eitthvað órólegur í vöggunni sinni og tek ég hann upp og hef á öxlinni. Björgvin vill koma líka í fangið á mér þannig að ég ákveð að setjast niður á gólf svo að Björgvin sjái sem allra best hvað litli bróðir er að gera á öxlinni hans pabba. Björgvin fékk líka að koma við Þorgeir eins og hann vildi og varð ég fljótt var við það að Björgvin strauk litla bróður blíðlega (var "ahh" við litla bróður). Þegar Björgvin fékk hrós og hvatningu varð hann ofsalega kátur og hljóp fram, kom inn aftur, skríkti ennþá meir og fór þannig nokkrar ferðir fram og til baka. Skömmu seinna spyr Andrea Björgvin hvort þau ættu finna snuddu fyrir litla bróður. Björgvin tekur þá sína eigin snuddu út úr sér og réttir að Þorgeiri sem þá var kominn aftur í vögguna. Við urðum ekkert smá stolt af okkar manni enda fátt sem Björgvin elskar meira en snuðið sitt og það að hann sé tilbúinn að gefa litla (skrýtna) bróður snuðið sitt segir nánast allt sem segja þarf. Björgvin fékk auðvitað fullt af kossum og mikið hrós frá okkur báðum fyrir örlætið og varð klárlega afar stoltur af sjálfum sér.

Hann má vera það, enda alger engill !! :-)

Æi hvað mér finnst hann Björgvin minn vera lítill ennþá :-/
Hann kann ekki að tala, finnst best að sofa upp í og fær ennþá 1 pela fyrir svefninn... en samt á hann núna að fara að verða stóri bróðir... mömmu hjartað tekur kipp í hvert sinn sem ég hugsa um það að kannski fái hann ekki næga athygli eftir að nýji ormurinn kemur í heiminn og ég er þvílíkt hrædd um að hann "verði útundan" fyrstu dagana, svona rétt á meðan við Unnar erum að koma okkur í gírinn að vera tveggja barna foreldrar.

Hann er svo mikill mömmu strákur þessi elska (ekki sjúklega háður mér samt) og ég er svo mikill Björgvins-Mamma að ég kvíði bara fyrir að geta ekki verið að sinna honum allan daginn út og inn.

En svona er þetta víst ef maður ákveður að eignast fleiri börn, það breytist allt.

BH er samt orðinn svakalega stór og er farinn að leika við hina krakkana á dagheimilinu, ekki bara við hliðina á þeim eins og önnur börn á hans aldri, heldur leika með þeim stærri :-)
Við erum brjálað stolt af þessum mikla félagsþroska :-D

Björgvin litli er farinn að arka um eins og herforingi. Hann er búinn að heimsækja báðar ömmurnar sínar, langömmu og Siggu frænku og þramma um öll gólf á hverjum stað. Hugsanlega er hasarinn að aukast því þegar Andrea sótti hann til Dagmömmunnar á föstudaginn var einn strákur skælandi og með sprungna vör. Seinna um kvöldið tók ég eftir að Björgvin var marinn á annari kinninni og er hugsanlegt að Björgvin og hinn strákurinn hafi skollið saman í einhverjum ærslum rétt áður en þeir voru sóttir, við hreinlega vitum það ekki...

Hlutirnir í hillunum okkar færast ofar og dótið á borðunum innar til samræmis við gríðarlegan vöxt Björgvins. Ég held í alvöru að hann sé búinn að taka vaxtarkipp einu sinni í viku síðasta mánuðinn. Allavegana eigum við núna fullt af samfellum sem pössuðu fyrir örfáum vikum en eru eins og prýðis spandexgalli utan á honum akkúrat núna. Það þýðir bara það að við þurfum að sækja fatalagerinn hans niður í kjallara og "uppfæra" fataskúffurnar hans. Gott að hafa þennan svakalega lager í kreppunni :-)

Að lokum sendum við Björgvin okkar bestu kveðjur norður til Lindu og Lárusar sem fyrr í dag eignuðust pínulítinn leikfélaga handa BH og Þorgeiri litla bróður. :-)