Dex

http://hrafnar-ulfar.blogspot.com/

Þorgeir Úlfar fékk nafnið sitt formlega 25. júní, á Þórsblóti Ásatrúarfélagsins.
Það var æðisleg stemming á Þingvöllum þar sem það voru tvær nafngjafir, ein siðfesta og brúðkaup.
Hinn strákurinn sem fékk nafn heitir Birnir Snær og það verður gaman að sjá í framtíðinni ef þeir verða báðir áfram í Ásatrúarfélaginu... kannski eru þetta verðandi goðar :-)
Þeir stóðu sig báðir rosalega vel bræðurnir... Þorgeir svaf bara þar til komið var að athöfninni og Björgvin lék við hvern sinn fingur og alla viðstadda í leiðinni :-)

Athöfnin var falleg og Jóhanna Harðar Kjalarnesgoði mælti nokkur falleg orð um hversu sterkan grunn börn þurfa til að þau verði sterkir einstaklingar í framtíðinni.
Eitthvað sem allir foreldrar verða að vera meðvitaðir um.

Þetta var alveg yndislegur dagur á Þingvöllum og hlökkum við til að eiga marga fleiri svona daga saman.

Elsku Þorgeir Úlfar.

Þegar þú fæddist voru tilfinningar mínar blendnar.
Að sjálfsögðu varstu velkominn og ég vissi að ég myndi elska þig, en ég var hrædd um að það væri ekki nægileg ást til í heiminum fyrir ykkur báða og að ég myndi þurfa að elska Björgvin minna til að geta elskað þig meira.
En svo komstu í fang mér og ég fann hvernig hjartað mitt stækkaði og ástin jókst.

Nú liggur þú í vöggunni við hliðina á mér, brosir og baðar út handleggjunum og ég verð að segja þér að ég elska þig meira dag frá degi.
Litli munnurinn þinn sem allir segja að sé alveg eins og minn, litla nefið þitt sem amma Silla á skuldlaust og svo er augnsvipurinn blandaður frá mér og pabba þínum.
Þú ert líkur stóra bróður, en samt ekki.
Þið eigið margt sameiginlegt, en þú ert samt svo einstakur, með bláu augum og dökka hárið sem engin skilur hvaðan er komið :-)

Ég horfi á þig liggja hérna hjá mér og ég ímynda mér ykkur bræðurna í framtíðinni og eins og álfkonurnar í sögunum bið ég þess að þið hafið fengið marga góða kosti í vöggugjöf.

Ég óska þess að þú standir ávallt við ákvarðanir þínar, orð og gerðir í sátt við sjálfan þig.
Ég óska þess að þú verðir góður við menn og málleysingja en látir aldrei vaða yfir þig.
Ég óska þess að þú verðir víðsýnn og hafir áhuga á að kynnast veröldinni og íbúum hennar í allri sinni fegurð og margbreytileika.
Ég óska þess að þú virðir alltaf skoðanir annarra, jafnvel þegar þú ert ósammála þeim.
Ég ætla að reyna að kenna þér að horfa gagnrýnum augum á það sem þér er sagt, án þess þó að þú glatir hæfileikanum til að undrast og njóta þeirra töfra sem lífið býður upp á.

En umfram allt óska ég þess að þú verðir hamingjusamur elsku sonur.

Mundu að við erum alltaf til staðar fyrir þig, sama hvað kemur upp á geturðu alltaf leitað til okkar pabba þíns. Við erum hér til að styðja þig, hvetja þig og ýta þér áfram þegar sækir á brattann.

Því heitir þín mamma.

English version in "Lesa meira: Ótrúlegt" link below

Það er alveg ótrúlegt hvað Þorgeir er rólegur. Hann er í alvöru rólegri en Björgvin var á hans aldri. Hann vekur Andreu á nóttunni með einhvers konar blöndu af hjali og röfli. Hann fær eina gjöf áður en við förum í háttinn, hann vill eina gjöf yfir nóttina og svo ekkert fyrr en seint næsta morgun, löngu eftir að BH er vaknaður.

Verkaskiptingin hefur verið þannig að Andrea sér um næturgjöf og sefur síðan út á meðan ég reyni að vaka yfir morgunhananum okkar (með mjög misjöfnun árangri).

Yfir daginn er Þorgeir stundum vakandi í 1 til 1 og hálfan tíma og á meðan er hann bara að horfa eða kreista það sem við komum fyrir í lófa hans. Þess fyrir utan sefur hann vært þrátt fyrir öll læti og ónæði frá stóra bróður.

Lesa meira "Ótrúlegt" »

Þorgeir fór í bað í fyrsta skiptið í kvöld.
Við byrjuðum á að koma Björgvini í rúmið og svo áttum við þrjú (foreldrar+Þorgeir) ljómandi góða stund saman á baðinu :-)
Þorgeir var ljós eins og venjulega, æmti hvorki né skræmti í baðinu, var rólegur á meðan Unnar þurrkaði honum og fannst ljómandi gott á meðan ég nuddaði hann.

Þessi fyrsta vika er búin að ganga eins og í sögu.
Unnar fékk verkefnalista og er búinn að vera að dunda sér við hann og ég hef bara verið að dúllast heima með Þorgeir á meðan Björgvin er á dagheimilinu.

Við erum farin að hlakka mikið til að fara út í gönguferðir og svoleiðis, mamman er ekki alveg týpan í að hanga heima í margar vikur ;-)

Lesa meira "Fyrsta baðið (english version below)" »

Klukkan 8.30 þann 30. Apríl 2009, fór ég upp á fæðingardeild í gangsetningu.
Þegar ég (Unnar var að fara með bílstól BH til ömmu Sillu sem passaði hann) mætti var bókstaflega "röð út úr dyrum" og þar sem ég var frekar kvíðin, bauðst ég til að koma aftur seinna.
Það var þegið með þökkum og mér sagt að mæta kl. 12.

Í hádeginu komum við aftur og yndisleg ljósa (Ester) tók við okkur og útskýrði gangsetninguna. Þar sem ég á keisara að baki, má ekki nota lyfjagjöf við gangsetningu og er því notuð blaðra (hljómar ágætlega ekki satt? Blöðrur eru skemmtilegar!).
Blaðra þessi er á endanum á löngu röri og því er ýtt eins nálægt belgnum og hægt er, volgu vatni sprautað í slönguna, blaðran þennst út og volá, leghálsinn opnast það mikið að hægt er að rjúfa belginn.

A.m.k. er það þeorían.

Því miður var ég ekki andlega tilbúin í fæðingu, enda búin að vera kvíðin fyrir henni síðan á 20. viku, þegar það rann upp fyrir mér að þetta barn þyrfti líka að komast út!
Um leið og einhverjir verkir byrjuðu, helltist yfir mig ógnar hræðsla og mér fannst ég vera að upplifa fæðinguna Björgvins Hrafnars upp á nýtt!
Ljósan reyndi að laga kvíðan með nálastungum, en allt kom fyrir ekki.
Óttinn hafði náð á mér of sterkum tökum og ég bað um keisara.

Ég var dregin á svari þar til eftir vaktaskiptin kl. 16, en þá komu til vinnu Karl fæðingalæknir og Guðrún Sigríður ljósmóðir. Voðalega þykir mér vænt um þau, því um leið og þau gengu inn spurði Karl hvort ég vildi fara í keisara og þegar ég sagði já, var svarið einfaldlega: nú, þá gerum við það!
Og ótrúlegt en satt, þá fannst mér í fyrsta skiptið þarna að ég hefði stjórn á aðstæðum!
Ég var undirbúin undir keisara, Unnar fékk skurðstofugalla og við slengdum okkur í aðgerð.

Í herbergi fullu af tækjum og grímuklæddu fólki fæddist drengurinn svo kl. 18.15 í góðri stemmingu og fékk pabbi að halda á honum strax.
Heilbrigður, fallegur og við fyrstu sýn talsvert líkur stóra bróður.
Hann er með dökkan lubba, vóg 4.465 gr. (rétt undir 18 mörkum) og er 52,5 cm.
Reyndar er hann strax búinn að afsanna að hann sé klón af stóra bróður, því eftir því sem mínúturnar líða, því meira líkist hann sjálfum sér, þó það sjáist greinilega að þeir séu bræður :-D

Lesa meira "Fæðingarsagan (now with english translation!!!)" »

Þar sem brjóstagöfin er ekki að ganga upp þá er Þorgeir að byrja á pela.
Skiljanlega drekkur hann ekki mikið og því stalst Björgvin í einn pelann sem stóð á stofuborðinu og fór með hann inn í sitt herbergi og drakk pelann þar.
Hann hélt að mamma myndi skamma hann en Andrea sá enga ástæðu til þess (Þorgeir hættur að drekka í bili hvort sem var og óþarfi að sóa pelamjólkini).
Að sama skapi hefði ég varla skammað Björgvin þó svo hann hefði lamið með kubbunum sínum í hausinn á Þorgeiri, en til þess hefur ekki komið ennþá.
Ég myndi hins vegar tvímælalaust sýna Björgvini hversu vonsvikinn og sár ég yrði við svoleiðis framkomu.

"Lesa meira" link below to english version.

Já, á morgun er Andrea að fara af stað í "af stað" ferlið á Fæðingardeild Landsspítala (ég vil skrifa tvö "s" því þetta er spítali Landsins en ekki spítali "Land"). Við mætum galvösk í fyrramálið klukkan 8:30 og byrjum að telja niður mínúturnar, klukkutímana og sem betur fer varla dagana. Svo er spurning hvort við eigum 30 apríl eða 1.maí barn. Hvor dagurinn sem það er þá er rosalega gaman að eiga afmæli á hvorum deginum sem er. 30 apríl er alltaf frí daginn eftir ...gagnast kannski betur þegar hann verður eldri ;-)... en á 1. maí er alltaf flaggað á "afmælisdaginn".... rosa sport :-D

Lesa meira "Þetta er alveg að koma... about there..." »

Nú eru bara 11 dagar eftir en ég er búin að vera með samdrætti og verki síðan á miðvikudagskvöldið (15. apríl). Þeir eru reyndar mjög óreglulegir og verkirnir sem fylgja eru ekkert óbærilegir, en mér finnst samt að þetta sé nokkuð gott merki þess að ormurinn ætli ekki að bíða fram til 28. með að koma í heiminn :-)

Það er ótrúlega spes að finna fæðinguna fara af stað. Ég var náttúrulega sett í gang með Björgvin Hrafnar og veit því ekkert við hverju er að búast þegar þetta gerist bara að sjálfu sér, er bara eins og frumbyrja... reynsluboltinn sjálfur :-p

Tilfinningin er svolítið eins og ég sé svöng, jafnvel þótt ég sé nýbúin að borða, svo er þrýstingur niður í legið og í átt að lífbeininu og nokkuð sterkur verkur vinstramegin í leginu sem fylgir þessu.
Sá verkur gæti reyndar stafað af klemmdri taug eða eitthvað þannig, amk er hann öðruvísi en hinir verkirnir sem ég finn.

Ég setti vögguna saman í gær og er búin að vera að þvo föt í dag, til að vera nú með eitthvað tilbúið þegar gríslingurinn kemur í heiminn... var alls óviðbúin því að fara af stað svona snemma, en hlakka mikið til.

Þá fer að líða að lokum þessarar meðgöngu hjá minni. Andrea kom heim eftir hádegið með þær fyrirskipanir

að fara strax heim og slappa af

Björgvin stóri bróðir búinn að vera soldið slappur, með 38 stiga hita og svoleiðis...

Spurning hvort þetta verður óvænt páskabarn ?!?